Alternatibak hauspotzea helburu duen Alternatiben Herria ekimena finantzatzeko, horizontalitatearen eta ahalegin txikien baturaren alde egin da. Berotzeko, #alterlaguna traola prestatu genuen sare sozialetarako, astelehen eta asteartean zehar zabaldu eta dezenteko arrakasta izan duena.
Crowdfunding-a atzo jarri zen martxan, Goteo plataforman. Helburua 21.050 euro jasotzea da, eta gutxienekoa 12.180 euro izango lirateke. Lehen egunean, gutxienekoaren %22 jaso du ekimenak, 2.760 euro.